Wikipidiya:Garang

𞜇𞜋𞜓𞜁𞜜 𞜊𞜔𞜗! 𞜀𞜊𞜓𞜍 𞜁𞜋𞜙 𞜁𞜕𞜏𞜜𞜊𞜛 𞜊𞜓𞜐𞜎𞜓?

𞜑𞜏𞜌𞜇𞜜 𞜎𞜇𞜕𞜖 𞜈𞜓 𞜐𞜓𞜁𞜓𞜊𞜓𞜈𞜓𞜍 𞜋𞜑 𞜁𞜔𞜌𞜕𞜎𞜓𞜖

𞜋𞜏𞜘 𞜇𞜓𞜉𞜕𞜈𞜔𞜛 𞜋𞜔𞜋𞜑 𞜁𞜔𞜌𞜕𞜎𞜓𞜖 𞜑𞜘 𞜊𞜗𞜈𞜘 𞜇𞜓𞜈𞜗𞜈𞜗𞜉𞜓 𞜏𞜛 𞜑𞜊 𞜅𞜔𞜂

Tabik pun! Apiya kabar kolpah piwari?

Salamat ratong di Wikipidiya basa Kumoring

Balay tinoduh bubasa Kumoring say panday tidandani lah sapa juga.

Ganta sa kok wat 1.829 ngabungkal suratan.

Apiya Kumoring ho?

Basa Kumoring rik basa Lampung.

Jolma Kumoring joda da salah say bangsa say notop di satijang aliran Way Kumoring di Ranaw laju di Kayu Agung. Jolma Kumoring sa sabagiyan balak ngaman di Ogan Komering Ulu Timur, wat munih di kabupatiyan barih cara Kumoring Bengkulah di Ogan Komering Ilir, wat munih di Ogan Komering Ulu, Ogan Komering Ulu Selatan, panday ticawako di wilayah Ogan Komering Balak, Palimbang rik di tanoh rantaw. Jolma Kumoring sa uwat ciri khas, joda da tiyan ngogaduh jajuluk, tiyan ja bubasa Kumoring dilom hurik saharanina.

Apiya Wikipidiya ho?

Wikipidiya joda da balay tinoduh (encyclopedia) say ticawih dilom lamon macom basa (multilingual) rik hingan tidandani, tisalin, rik tibagiko bak sapa juga sacara bibas.

Balay tinoduh sa salah osay proyek say diluwahko bak samungkal paningku'an nirlaba say bugolar Wikimedia Foundation. Bakdu garatis, Niku makin da ambayar untuk andaftarko akun rik ambaca kaunyin suratan say uwat dija sa.

Sabarih dilom basa Kumoring, Wikipidiya wat munih dilom pipira basa barih say ticawako di Indunisiya: Acih, Bali, Banjar, Banyumas, Batawi, Bugis, Guruntalu, Iban, Indunisiya, Jawo, Madura, Mandahiling, Malayu, Minang, Niyas, Sunda, Titum, rik Tuba.

Payu ngombangko Wikipidiya!

Sikam bih nginjuk panday di kuti amon ija joda da sarangkayyan halaman dilom Wikipidiya basa Kumoring. Wikipidiya basa Kumoring haga tikombangko lagi mon uwat sukarilawan say haga luluk-paluk dija. Sapa juga pacak jadi sukarilawan haga tuha atawa ngura, say ponting katoduh rik panday bubasa Kumoring.

Lah ija joda da Wikipidiya Basa Kumoring, kaunyin suratan dija sa porlu bubasa Kumoring saponuhna mak dapok campur-campur rik basa barih kacuwali kata-katana makka dilom Basa Kumoring. Samakkung ngoguway halaman ompay congkiko pay halaman say haga tiguwayko ho kok uwat api makkung ka mari mak dobal. Sapoja cara ngoguway halaman ompay, surat langsung juga "Golar Suratan" dilom kutak di bah ho. Misalna, halaman "basa Kumoring" langsung surat dija sa sabagay Basa Kumoring. Picit kutak say uwat paling di bah untuk ngoguway halaman ompay, raduna surat tentang apiya say haga tiguwayko halamanna, amon kok radu picit tumbul biru say suratanna Guway Halaman Anyar.

Payu bagi kuti say pacak bubasa Kumoring dang liyom-liyom untuk ngoguway halaman anyar dija sa. Mon mak kita, sapa lagi say haga ngahurikko basa kita Kumoring mari pacak dikonal duniya.