Taka Bangladesh

Taka (Bengali: টাকা) (lambang: ৳, Tk ; kode: BDT) joda da mata duwit nagara Bangladesh. Bank Bangladesh, bank sentral nagara, ngatur paluwahan mata duwit taka kacuwali osay taka rik ruwa taka, say joda da tanggung jawab Mantori Kaduwitan Bangladesh.

Baruyut Kata

Nurut The American Heritage Dictionary of the English Language rik Banglapedia, kata taka buasal jak kata Sansekerta tankah, say buhorti koin pirak. Kata taka dilom bahasa Bengali umumna munih tipakay sacara umum untuk buhorti duwit, mata duwit, atawa duwit karotas piya juga. Jadi, dilom basa sari-sari, osay jolma say ngumung dilom bahasa Bengali panday makay "taka" untuk ngarujuk guk duwit lopas jak mata duwit piya juga say tipakay. Ija munih umum di nagara bagiyan Benggala Lawok rik Tripura di India, dipa golar resmi Rupee India joda da "taka" hoda. Dilom basa India darak barihna rik pangaruh Prakrit di Bihar tisobut "taka" dilom bahasa Maithili rik Magadhi, di Assam tisobut টকা - tôka rik ଟଙ୍କା - taṅkā di Odisha.