Lawok Cina Hulu

Lawok Cina Hulu joda da salah osay lawok say uwat di rodik kawasan Asia Tenggara, Asia Darak rik Samudra Pasifik.

Lawok Cina Hulu sa joda da lawok bagiyan jak Samudra Pasifik, say mbontang jak Selat Karimata rik Selat Malaka, sampai Selat Taiwan rik borak kurang lebih 3.500.000 km². Lawok hasa bupotensi balak strategis bakdu sapartolu palintasan lawok liyu-limbar dija sa. Lawok hasa munih uwat kakayoan biota lawok say panday nopang kaporluan pangan jutaan jolma di Asia Tenggara sakaligus cadangan minyak rik gas alam say nambun.

Klaim Wilayah

Pira nagara uwat klaim wilayah say saling butentangan di Lawok Cina Hulu. Sangketa hasa tianggap sabagay potensi konflik paling bahaya di Asia. Baik Republik Rakyat Tiongkok (RRC) rik Republik Tiongkok (ROC, biasa disebut Taiwan) nglaim hampir kaunyin lawok hasa rik ngagambar pabatasan suwai garis putuk-putuk.

Klaim Cina butingkik'an rik hampir unyin klaim nagara di kawasan sija. Klaim-klaim sina joda da:

• Indonesia, Cina, rik Taiwan atas uway di darak lawok Kapulauan Natuna
• Filipina, Cina, rik Taiwan atas Scarborough Shoal.
• Vietnam, Cina, rik Taiwan atas uway di topi Kapulauan Spratly. Kanongah atawa unyin pulaw tirobutko bak Vietnam, Cina, Taiwan, Brunei Darussalam, Malaysia, rik Filipina.
• Kapulauan Paracel tirobutko bak RRC/ROC (Cina rik Taiwan) rik Vietnam.
• Malaysia, Kamboja, Thailand, rik Vietnam atas uway di Toluk Thailand.
• Singapura rik Malaysia atas uway sakitar Selat Johor rik Selat Singapura.