Achmad Bastari
Inspektur Jandiral Pulisi (Purn.) Achmad Bastari (lahir di Campang Tolu, Campaka, Ogan Komering Ulu Timur, Sumatera Selatan, 8 Oktober 1910 – sampi umur di Jakarta, 13 Oktober 1992 di umur 82 tahun) joda da Gubornur Sumatera Selatan untuk pariode 1959-1963. Iya joda da Mayor Jandiral (Inspektur Jandiral) Pulisi (Purn.) rik samakkung anjabat sabagay Gubornur/Kapala Daerah Sumatera Selatan iya kok jak butugas sabagay Kapala Pulisi Daerah Jawa Tongah tikuruk da Yogyakarta (1954 - 1960).
Kahuripan Awal
dandaniAhmad Bastari jajuluk Sang Nata Purba tilahirko di tiyuh Tjampang Tolu (Campang Tiga), dilom dusun Serba Nyaman, suku Kumoring, marga (kecamatan) Samandawai Suku Dua, jak katurunan Golongan Pamimpin Adat rik Pamarintahan di daerah Ogan Komering Ulu Timur, Sumatera Selatan. Akasna Mohammad Lanang jajuluk Alampak say sampi umur di tahun 1923 dilom umur 73 tahun pada masona joda da Kariyo (Kapala Desa) Campang Tiga rik pangusaha dagang say daerah paniagoanna tungguk guk Medan rik wilayah Deli. Bapakna Ahmad Daud jajuluk Nata Diraja bin Kariyo Alampak (1885 – 1962) joda da guru say kok dikonal rik duduan Guru Daud, say jomoh munih dikonal sabagay Kariyo Ahmad Daud. Ticatat tanggal kalahiran Ahmad Bastari joda da di tanggal 3 Syawal tahun 1910 (masehi) rik harak mulai kuruk sekolah HIS (Hollands Inlandse School) di Palembang tiubah jadi tanggal 3 Oktober 1912.